GAUR EGUNGO EUSKAL MUSIKA

Historian zehar euskal musikan hainbat izen famatu (pertsoena zein taldeena) azpimarratu ahal ditugu: Kepa junkera, Ken zazpi, Ez dok amairu, Mikel laboa, Oskorri… Abeslari edo musika talde hauen abestiak gure iraganean sekulako garrantzia izan dute eta hauetako asko oraindik entzuten ditugu gaur egun, adibidez Ken zazpi taldearen Ilargia abestia.

Gaur egun, ordea, gero eta indar handiagoa hartzen ari da euskal musika gazteriaren artean eta oso arrunta da herrietako festetan euskal talderen baten kontzertua egoteko. Talde hauen artean, arrakasta handiena dutenak Gatibu, Vendetta edo Hesian musika taldeak dira. Hiru talde hauen kontzertuak haien abestiak gozatzen dituzten jendez beterik egon ohi dira.

Aipatutako hiru talderen abestiak, hirugarren zikloko ikasleekin lantzeko aproposak direla uste dut. Adin horrekin umeak “nagusi” sentitzeko joera izaten dute eta ez dute nahi izaten umeentzako abestiak entzun. Hori dela eta, euskaraz abesten duten hiru taldeen abestiak haien arreta piztu eta motibazioa areagotuko dute; gainera, musikaren bidez hainbat hitz berri ikasteko aukera emango izango dute.

Gatibu taldearen abesti bat aipatzearren, Urepel abestia azpimarratuko nuke. Abesti honen letra nahiko aproposa da oraindik umeak diren hirugarren zikloko umeentzat; gainera nahiko letra errepikakorra duenez, ikasteko eta aztertzeko erraza dela esango nuke.

Abesti hau zoramena izeneko diskan agertzen da, 2002 urtean argitaratua. Abestiak jada urte nahikotxo baditu ere, orainik badu arrakasta handia. Kontzertuetan oraindik jotzen duten abestia da eta irratia piztuz gero entzun dezakegun kanta da. Abestia entzun nahi izanez gero, hementxe jarriko dut bideoa:

Hesian taldeari dagokionez, bere kantarik famatuena azpimarratu nahi nuke Behar zaitut kanta alegia. Kanta honek taldeari ospea eman ziola esatera ausartuko nintzateke, honi esker hasi baitzen taldea arrakasta izaten. Eta ordutik Aurrera hiru dsekulako arrakasta izan duten hiru diska argitaratu dituzte eta jendez beteta egon diren hainbat kontzertu eskaini.

Talde honen Behar zaitut abestia lehen hezkuntzan lantzeko oso interesgarria dela uste dut bai bere letra eta erritmo egokiagatik, baita neska zein mutil ahotsak dituelako ere. Oso arraroa izaten da euskal musikan abesti bakar batean mutil baten ahotsa eta neska baten ahotsa entzutean eta hori, musikaren hezkuntzari begira, abestiari aberastasuna ematen diola uste dut. Hona hemen abesti honen bideoa:

Azkenik, Vendetta taldeari egingo diogu aipu. Talde honen abesti gehienak erdaraz badira ere, baditu euskaraz dauden zebnbait abesti. Euskaraz idatzita dauden kanta hauek, lehen hezkuntzan lantzeko oso aproposak direla uste dut.

Hau esanda, abesti horietako bat azpimarratuko dut, Begitara begira abestia hain zuzen ere. Kanta hau 2011. urtean argitaratutako Puro infierno diskako abesti bat da, eta talde honen abestien artean arrakasta handia izan du. Bere letra ulergarria eta erritmo politagatik, hirugarren zikloko ikasleekin lantzeko aukera ezin hobea da.

Abestia entzun nahi izanez gero, hementxe jarriko dut bideoa:

Informazioa hemendik:
https://www.youtube.com/
https://es.wikipedia.org/wiki/Vendetta_(grupo_ska)
https://es.wikipedia.org/wiki/Gatibu
http://hesian.weebly.com/

Heldu dira gabonak!

Gabonak ailegatu dira eta honelako data berezietan musika izaten da nagusi... Poztasun garaia izan ohi da gabonetako garaia eta poztasunak eta musikak harreman zuzena dute pertsona askorentzat. 

Hori dela eta, sarrera honetan gabonekin lotura estua duten hainbat kantu ipiniko ditut, eskoletan umeei erakusten zaizkienak, kalean abesten dituztenak edota faimilia giroan gozatzen dituztenak. Izan ere gabonak eta gabonetan abestea asko gustatzen zaie umeei.

www.irrisarriland.es

Lehenik eta behin lehenengo zikloko umeentzat aproposak diren abestiei egingo diet erreferentzia. Lehenenego zikloko umeak oraindik nahiko txikiak direnez, abesti errazenak erakusten zaizkie. Hala ere, musikarekin gauzak buruz ikasteko ez dute zailtasun handirik izaten; aitzitik nahiko gustatzen zaie. Hau da, musikaren bidez gauzak buruz ikasteko erraztasuna dutela azpimarratuko nuke. 

Hau esanda, bi gabon kanta aukeratuko nituzke ziklo honetan ikasteko: Din dan don eta Olentzero. 

Olentzeroren abestia, gabon kanta ohikoena dela esango nuke; ikasteko oso erraza izateaz gain, asko gustatzen zaie umeei. Din dan don abestia ere, oso abesti ohikoa da eta gaztelaniaz abesten den "Navidad navidad" abestiaren erritmo bera dauka. Abesti hau oso erraza eta umeen gustokoa da ere.

Olentzeroren kanta entzuteko:

Din dan don abestia entzuteko:

Bigarren zikloko umeei dagokionez, abesti konplexuagoak aukeratu ditut. Hala ere, abesti hauek nahiko ohikoak dira ere eta ikasteko nahiko errazak, beren erritmo eta letragatik. Gainera, gabonek transmititzen duten magia umeei kanta hauek ikasteko gogoa pizten die.

Bigarren ziklo honetarako aukeratu dudan lehenengo gabon kanta: Hator hator kanta da, guztiok ezagutzen dugun kanta. Horrez gain, lo dago gure haurtxoa kanta aukeratu dut ziklo honetarako. Azken kanta hau  kanta mitikoa ez bada ere, nahiko ezaguna ere da.

Hator hator abestia enztuteko egin klik hemen.

Lo dago gure haurtxoa kanta entzuteko egin klik hemen.

Azkenik, hirugarren zikloari begira, Alaken kanta aukeratu dut. kanta hau aukeratutakoen artean zailena dela uste dut eta horixe izan da ziklo honetan jartzeko arrazoia. Izan ere, hirugarren zikloko umeak nahiko handiak izaten dira eta abesti sinple edo errazak nahiko aspergarriak iruditzen zaizkie.

Hori dela eta, hitz korapiloak dituen abesti hau aukeratu dut, gainera abesti honen erritmoa nahiko azkarra da eta honek aukera ematen du abestiarekin batera koreografia ikasteko. Hori dela eta, hirugarren zikloko umeentzako abesti erakargarria iruditu zait hau.

Alaken kanta abestia entzuteko bideoa:

Hauek dira gabon kanta ohikoenak eta politenak nire ustez.. Sarrera honetan zikloka (zailtasunaren arabera) antolatuta dauden arren, edozein ziklotan edozein kanta erakutsi ahal dela azpimarratu nahi nuke. Lehen hezkuntzako ume guztiak gai direlako sarrera honetana aipatutako abestiak ikasteko, abesteko eta dantzatzeko.

Aipatutako kantak baino askoz ere gabon kanta gehiago baditugu Euskal Herrian, hori dela eta HEMEN klik eginda abesti horietako batzuen zerrendara joateko aukera izango duzu.

ABESTU EZAZU GABONETAN!

Informazioa hemendik:
https://www.youtube.com/
http://www.euskarabidea.es/espanol/gabon-kantak/lista

Musikaren bidez elkar ezagutzen!

Guztiok bizi izan dugu noiz bait lehenengo egunaren beldurra edo, beldurra baino, lehenengo eguneko lotsa. Leku berri batera ailegatzen zarenean, nola aurkeztuko duzu zeure burua? zein jarrera izango duzu besteen aurrean? denok pentsatu dugu noizbait halako zeozer.

Bada, umeek ere sentitzen dituzte horrelakoak klaseko lehen egunean, edo ikastolara lagun berri bat etorzen denean... Hori dela eta, mezu honetan lehenengo egun horiei indarra kentzeko eta puntu dibertigarri bat emateko, ikasgelan egin ditzakegu hainbat jolas musikal jarriko ditut:

1.JOLASA: Taldeen jolasa.

Jolas hau aurrera eramateko musika eta pertsona talde bat baino ez dira beharrezkoa. Irakasleak musika martxan jarriko du eta  bat batean musika geldituko du. Momentu horretan batetik hamarrerainoko zenbaki bat esango du ozenki.

Gauzak horrela, umeak irakasleak esandako kopuruan taldeka jarriko dira eta talde txiki horietan bi minututan egongo dira hizketan edozer gauzaren inguruan, hobeto ezagutu daitezen. Jolasak arau bakarra du: taldea ezin da isilik geratu bi minutu horietan.

2.JOLASA: Izenen jolasa.

Bigarren jolas hau izenak ikasteko jolasa da. Talde osoa borobil batean jarriko da. Batek bere izena esango du eta , ondoren, bere ezkerrekoak lehenengoaren izena eta bere izena esango du. Horren ostean, ezkerrekoak bere izena eta aurreko bien izenak esango ditu eta horrela jaraituko du taldeak borobil osoa amaitu arte.

Jolas jonek duen arau bakarra zera da: Baten bat okertzen bada, berriro hasi beharko da izen guztiak esaten, ondo esaten dituen arte. Gainera, batek izenak esaten dituen bitartean, besteek isilik egotea ezinbestekoa da.

Jolas hau egiteko bi modu daude: Alde batetik, posible da jolasa normal, hau da, hizketan egitea. Bestetik, jolasari konplexutasuna eman ahal zaio eta izenak abestuz esan ditzakegu eta pertsona bati keinu bat egokitu. 

Hori dela eta, umeen adinaren arabera jolasa modu batean edo bestean egin dezakegu, lehenengo modua nagusientzat oso aspergarria litzatekeelako eta bigarren modua txikientzat zailegia.

www.eduteka.org

3.JOLASA: Abestien letren jolasa.

Hirugarren jolas hau konfiantza hartzeko erabili dezakegu. Jolasa egin ahal izateko, taldea bitan banatuko dugu. Ondoren, talde batek hitz bat esango du, adibidez "Ilargia". Kontrako taldeak abesti bat abestu beharko du hitz hori duena. Ondo abestuz gero, hurrengo taldearen txanda izango da. Horrela gertatuko da taldeetako batek txarto esan arte. Beste taldeak puntu bat eramango du.

Momentu horretan txarto esan duen taldeak hitz berri bat esango du eta berriz ere. Jolasa horrela iraungo du talde batek hamar puntu lortu arte.


4.JOLASA: Lotsa kentzen.

Bideo honetan agertzen den abestia kantatzea eta dantza dantzatzea modu egokia izan daiteke umeek lotsa ken dezaten.

Lau jolas hauek adibideak baino ez dira, interneten milaka adibide gehiago aurki ditzakegu lotsa kentzeko edota elkar ezagutzeko balio dutenak. Helbide honetan, adibidez, oso ondo azalduta etortzen dira hainbat jolas. Baina, orrialde hau adibide bat baino ez da.

Geure taldeari ondoen egokitzen den jolasa zein den jakiteko, taldeak dituen ezaugarriak ezagutu behar dira. 

Garrantzitsuena, nire ustez, taldearen bataz besteko adina zein den jakitea da. Izan ere, ez dira berdinak 6 urteko ume batek eta 12 urteko ume batek dituzten gaitasunak edo nahiak. Beraz, gure ikasleek duten adinaren arabera jolasa aukeratzea komeni da.

Adinaz gain beharrezkoa da, nire aburuz, gelaren jarrera kontuan izatea. Taldea lasaia bada, jolas konplexuagoak  eta lekuan egitekoak egin ahal izango ditugu. Taldea, oso mugitua bada, ordea, komeni da dantza eta mugimenduarekin erlazionaturiko jolasak egitea.

Azkenik, umeen gaitasunak kontuan hartu behar ditugu. Talde azkarra badugu, jolasak konplexuagoak bihurtu ditzakegu, umeak aspertu ez daitezen. Taldeak, aldiz, zailtasunak baditu, hobe da jolas sinplean egitea eta hauek ondo ateratzea, jolas konplexuak egitea eta hauek txarto ateratzea baino.

infantilesdelgrancapitan.wordpress.com

 Informazioa hemendik:
https://espanolparainmigrantes.files.wordpress.com/2009/11/13-juegos-de-presentacion.pdf
http://www.elmejorcompartir.com/2010/05/10-excelentes-
dinamicas-para-romper-el.html
https://www.youtube.com/

Musikak ere badu teoria...

Musikak hainbat gauzarako balio du lehen hezkuntzan: gauzak buruz ikasteko, ingelesa ikasteko, erlaxatzeko, kontzentratzeko... 

Baina, ez dugu ahaztu behar musikak ere baduela bere alde teorikoa eta umeek oinarrizko gauzak ikastea ezinbestekoa litzateke. Mezu honetan, umeek lehen hezkuntzan musikako klasean ikasten dituzten gauza garrantzitsu eta sinpleenak ipiniko ditut.

Alde batetik, funtsezkoa da pentagrama bat zer irakastea. Horretarako honako hau esan ahal diegu: Pentagrama bost lerroko multzoa da eta notei izena emateko erabiltzen da.

Era berean, notak zer diren erakutzi behar zaie, notak erakusteko modurik errazena eskala da, eta horretarako pentagramaren barruan DO-tik DO-rako eskala erakustea da ohikoena. Eskala ikasteko honko abesti hau erabili dezakegu:

ESKALA MUSIKALA IKASTEKO ABESTIA

Horrez gain, eskolan Sol-en ikurra zer den, nola marrazten den eta zer esan nahi duen azaldu beharra dago. Kontzeptua hau besteak baino abstraktuagoa bada ere, txikitatik erakusten badiegu normaltzat hartuko dute. Era berean, beste ikur batzuk ere badaudela eta ikur hauek beste esanahi bat badutela, argi geratu behar zaie.

Kontuan izanda ikur hauek absraktuak direla, bai esanahiaren aldetik baita itxuraren aldetik ere, komenigarria litzateke behintzat SOL-en ikurra idazten erakustea; seguruenik hasieran oso zaila izango da hau ondo egitea eta askok alderantziz edo txarto egingo dute, baina praktikaren eraginez, guztiok (edo behintzat gehienok) lortuko dute hau ondo irudikatzea.

Pentagramak, notak eta ikur ezberdinak erakusteaz gain,  erritmoak erakustea ezinbestekoa da. Hau da, ikur hauen itxura, esanahia eta nola irakurtzen diren erakustea futsezkoa da lehen hezkuntzak. Musikaren munduan erritmo ugari badaude ere, lau dira lehen hezkuntzan bai edo bai erakutsi beharrekoak:

• Kortxeak
• Beltzak
• Zuriak
• Borobilak.

Era berean, komeni da isiluneak badaudela eta hauek nola irudikatzen diren azaltzea.

Erritmoen irakaskuntzarekin hasteko, komeni da (gauza guztiekin bezala) errazenetik hastea eta behin errazena menperatuta izanda konplexura jotzea. Erritmoei buruz hitz egiten, sinpleenak beltzak eta kortxeak lirateke.

Eskolan beltzak eta kortxeak erakusteko modurik ohikoena irakasleak partitura oso sinpleak jartzea da.  Partitura sinple hauek jarraituz, umeek txaloak eman behar dituzte erritmoaren arabera eta beltza dagoenean "ta" eta kortxea denean"ti" esan behar dute. Honelakoak izan beharko lirateke ariketa hau gauzatzeko partiturak: 

Behin kortxea eta beltza menperatuta, zuria eta borobila zer den azaldu beharko litzateke. Hauek erakusteko ere, aurretik aipatutako jarduera bera erabili daiteke; baina kasu honetan partitura konplexuagoa eta anitzagoa izango da, momenturarte ikasitako guztia agertuko delako.

Behin lau erritmoak azalduta eta praktikara eramanda,, umeek ulertu beharko lukete zenbat balio duten ikasitako erritmo bakoitzak; hau da,  beltzak "bat"  kortxeak "erdia"; zuriak "bi" eta borobilak "lau" balio dituela eta horren arabera, erritmo bakoitza abesten eta perkutitzen jakin beharko luke.

Horrekin batera, bi kortxean eta beltza bat berdin balio dutela bereganatu beharko dute, eta horrela dauden konbinazio posible guztienekin, hau da, gai izan beharko dira musikari ikuspuntu matematikoa ikusten.

Behin hau guztia jakinda, umeak pentagrama konplexuagoak  irakurtzeko gai izango lirateke. Hona hemen aipatutako lau erritmoak ikasteko edo azaltzeko baliagarria izan daitekeen eskema sinplea:

Honako aurkezpen honek oso ondo laburtzen ditu mezu honetan aipatutako kontzeptuak eta lehen hezkuntzan birpaso gisa erabiltzeko oso egokia da. Gainera, umeekin egiteko hainbat ariketa proposatzen ditu, oso baliagarriak eta sinpleak direnak.

El pentagrama y las notas from Andrea Meana

Hala ere, mezu honetan aipatutako gauza guztiak, apurka apurka eta urteetan zehar ikasteko kontuak dira. Alde batetik gauza sinpleenak barneratua arte umeak ez direlako gai izango gauza konplexuagoak barneratzeko eta; bestetik, musika ikasgaia astean behin baino ez delako ematen.

Gainera, kontuan hartu behar da musika irakasgai nahiko praktikoa dela eta ikasten den gauza teoriko bakoitza komeni dela praktikara eramatea; bai abesten, bai dantzatzen, baita perkutitzen ere.

Informazioa hemendik:
https://www.youtube.com/watch?v=j3YCaVAWr2s
http://www.slideshare.net/AndreaMeana

Lasaitasunaren bila....

Lehen hezkuntzako ikasgela batean, askotan, izugarri izaten da umeak lasai eta lanean kontzentratuta egotea. Gainera, irakasle asko oihuen bidez saiaten dira umeen arreta eskatzen eta honek lasaitu beharrean gehiago astoratu egiten ditu.

Umeak lasaitzeko modu bat baino gehiago badago ere,  eskolan musika metodo eraginkorrenetarikoa da. Alde batetik, umeen atentzioa pizten duelako eta, bestetik gaur egun ikasgela batean dauden errekurtsoak nahikoak direlako musika jartzeko.

Pertsona gehienek uste dute umeak lasaitzeko musika lasaia erabili behar dugula nahita ez, baina ez da zertan horrela izan. Musika lasaia ez den musikarekin ere, umeak lasaitzeko ariketak egin ahal ditugulako. Hala ere, musika lasaia hobeto funtzionatzen du gehienetan.

Hori dela eta, musika lasaiaren inguruko ariketa bat azalduko dut lehenik eta behin. Ariketa hau egin ahal izateko beharrezkoak den baliabide bakarra musika ateratzen duen edozein aparailu da: Kaset, ordenagailu, mugikorra... Ariketa oso erraza da. Lehenik eta behin umeei haien lekuan egoteko, begiak izteko, isilik egoteko eta burua mahai gahinean ipintzeko eskatuko diegu. Ondoren, musika lasaia jarriko dugu eta ametsetan baleude moduan, pentsatzen hasteko eskatuko diegu. Musika amaitzen denerako umeak askoz ere lasaiago egongo dira.

Ariketa hau egiteko edozein musika lasaiak balio du, hona hemen bi proposamen:

 Bideo honek hiru minutu irauten ditu eta ondo legoke bideoa osorik ipintzea umeak erlaxatu daitezen.

Abesti honek, ordea ia hiru ordu irauten dituenez, zati bat baino ez jartzea komeni da, bost minutu inguru. Abestia oso luzea bada, umeak aspertu edo entretenitu ahal direlako. Hala ere, abesti luze hau ariketaren bat egiten ari diren bitartean jarrita eukitea aukera ona da.

Musika lasaiak erlaxatzeko direla argi dago, baina musika martxoso batek ere umeak lasaitzeko funtzioa eduki dezake. Demagun egun batean umeak oso astoratuta etorzen direla patiotik, jantokitik.... Umeak lasaitzeko aukera bat aurretik aipatutakoa litzateke, musika lasaia jartzea eta bere lekuetan eserita entzutea, alegia.

Baina, beste aukera bat musika martxoso bat jartzea da, hau da, dantzatu daitekeen musika bat. Izan ere, dantzatzen edo musikaren erritmoa jarraituz mugitzen, seguruenik lasaitu egingo dira. Abestia dagoen bitartean mugimenduan egongo dira, noski; baina hau bukatzean erlaxatuta eta kontzentratuta egongo dira seguruenik. Beraz, ondo aukeratu behar dugu momentu bakoitzean zein teknika erabili umeak lasaitzeko lanean hasi ahal izateko.

Azken proposamen honetarako ere, dantzatu daitekeen edozein abestik balio du, hona hemen bi proposamen, Pirritx eta porrotxen Xalala riki riki kantua eta Sorotan Beleren Arratsalde honetan abestia. Bi abesti hauek oso martxosoak dira eta aurretik azaldutako egiteko erabili daitezke.

Hau guztia esan ondoren, azpimarratu nahi nuke berriz ere musikak hezkuntzan duen garrantzia. Kasu honetan, umeak astoratuta daudenean garrantzitsua da hauek lasaitzea lanean hasi aurretik, lan eraginkorra egin dezaten lortu nahi badugu, behintzat. Lasaitzen ez baditugu, klaseko giroa ez da batere ona izango eta umeek egingo duten lana ez du ezertarako balioko.

Beraz, bost minututan musika jartzea ez da (askok sinisten duten moduan) denbora galtzea, aitzitik umeen eraginkortasuna eta kontzentrazioa hobetu dezaketen funtsezko minutuak izan daitezke, ez ahaztu!

Informazioa hemendik:
https://www.youtube.com/
http://www.musicarelajante.es/musicaambiental.html
http://guiafitness.com/beneficios-de-escuchar-musica-para-relajarse.html

Instrumentu bat jotzen...

Lehen hezkuntzako umeentzat abestien bidez ikastea oso eraginkorra dela ikusi dugu orain arte; baina abestea ez da musikak irakaskuntzan ematen duen erraztasun bakarra. Dantzatzeak edo instrumentu bat jotzeak ere, hainbat onura eta erraztasun ekarri diezaoke lehen hezkuntzako ume bati. Oraingoan musika tresnek ekartzen duten onurez hitz egingo dut.

Esan bezala, asko dira intrumentu bat jotzean ume batengan ekar ditzakeen onurak. 

Alde batetik, umeen koordinazioa izugarri hobetzen da musika intrsumentu bat jotzen hasten direnean. Hau da, musika tresnek koordinazio fisiko egokia garatzea errazten dute. Gero eta gorputza gehiago mugitu musika tresna hori jotzean, orduan eta gehiago hobetuko da koordinazioa. Hori dela eta, bateria jotzea koordinazioa hobetzeko instrumenturik egokiena dela diote adituek.

Gainera, norberaren konfiantza areagotzen du; izan ere, intrumentu bat jotzean bakoitzak nahi duena esperesa dezake. Gainera, instrumentuarekin musika egiteko gai sentitzen dutenez bere burua, oso ondo sentitzen dira haiekin eta mundu guztiari erakusteko beharra sentitzen dute, bere buruaz pozik daudelako.

Beldur eszenikoari aurre egiteko ere, oso eraginkorra da musika tresna bat jotzea.  Jendearen aurrean lehenengo aldiz jotzean beldurra sentitu badezake ere, apurka apurka eta konfiantza hartzen duenean beldur hori desagertuz joango da.

Sormena lantzeko ere, oso baliagarria da musika tresna bat jotzea, batez ere umeentzat. Izan ere, musika tresna jotzean esperimentatzeko gogoa izaten dute hainbat umek.

Horrez gain, musika tresnaren bat jotzen duten pertsonek, arreta deitzeko joera dute (modu onean) eta horren eraginez, jendea haiengana hurbiltzen da eta haien bizitza soziala areagotzen da.

Memoria lantzeko ere oso metodo egokia da musika instrumentu bat jotzearena, izan ere abesti bat ondo jotzeko; abesti bera edo notak gogoratu behar dira eta praktikaren bidez, umeek lortu egiten dute hainbat kontu buruz ikastea.

Aipatutako onurak, musika tresnek umeengan ekar ditzakeen zenbait onura baino ez dira, gehiago ikusi nahi izatekotan egizu klik hemen.

Hau esanda, azpimarratu nahi nuke lehen hezkuntzako tutore batek onura hauek ezagutu behar dituela, bere ikasgelan dauden zenbait arazo konpontzeko baliagarriak izan daitezkelako.

Demagun ikasgelako ume batek gauzak buruz ikasteko arazoak dituela antzematen duela tutoreak, hau jakinda ume jorren gurasoekin hitz egin lezake eta intrumenturen bat jotzeko gomendatu, memoria lantzeko oso aproposa delako eta, horrez gain beste hainbat onura dituelako.

Hala ere, ez dugu inoiz ume bat gogoko ez duen musika tresna bat jotzera behartu behar, izan ere horrek fustrazioa eta musikarako gorrotoa sortu dezake ume horrengan. Hori dela eta, ume bat musika tresna bat jotzen hasi aurretik, ume horrekin hitz egitea komeni da, bere nahiak ondo ezagutzeko eta umeari ahalik eta argien transmitizeko hori ekar diezaiokeen onurak.


Ume bat musika tresna bat jotzen hasi aurretik, gainera, bi faktore garrantzitsu eduki behar dira kontuan: zein adinarekin hasi intrumentu hori jotzen eta zein metodo erabili ume horri intrumentu hori jotzen hasteko.

Bideo honetan Juan Manuen Alonsok argi azltzen du umea gero eta gazteago izanda, orduan eta gaitasun handiagoa duela ikasteko eta gaitasunak garatzeko; beraz gero eta gazteago hasi intrumentu bat jotzen, orduan eta errazago eta arinago ikasiko du.

Hala ere, zortzi urte baino gutxiagoko umeek instrumentu bat jotzen hasten direnean, beharrezkoa da umearen momentuko gaitasunetara egokitzen dakien irakasle bat bilatzea. Adina horrekin oraindik oso txikiak baitira instrumentuaren ikasketa bera hasteko. zortzi urtetik aurrera, ordea,  intrumentu musikalaren ikasketa hasteko momentua dela azpimarratzen du.


Sarrera honi amaiera emateko, adituek umeentzat gomendatzen dituzten lau instrumentuak aipatuko ditut. 

Gitarra umeentzat oso erakargarria den instrumentua da; eta oso garestia ez denez, oso egokia izan daiteke ume bat musikaren munduan murgiltzen hasteko.

Beste aukera on bat Bateria da, nahiz eta garestiagoa izan eta espazio gehiago behar, bateria batek aukera anitzak eskaintzen ditu eta umeei asko gustatzen zaien instrumentua da.

Txirula ere adituek umeentzat gomendatzen duten instrumentua da. Txirula baten tamaina hain da txikia non edozein lekutan gorde daitekeen, eta horren eraginez, etxe txiki batean izan daitekeen instrumentua da. Horrez gain, nahiko erraza da jotzen eta merkeak izan ohi dira.

Azkenik, pianoa aipatzen dute adituek. Pianoa aipatutako lau instrumentuen artean zailena bada ere, hainbat aukera eskaintzen ditu eta oso erakargarria izaten da umeentzat.

ANIMA ZAITEZTE MUSIKA TRESNA BAT JOTZEN!

Informazioa hemendik:
http://www.consumer.es/web/es/bebe/ninos/mas-de-4-anos/2012/11/22/214292.php
http://www.guiainfantil.com/1399/como-elegir-un-instrumento-musical-para-los-ninos.html

Ingelesezko hitzak musikaren bidez ikasten..

Lehen hezkuntzako umeentzat, oro har, zaila eta aspergarria izaten da ezagutzen ez duten hitzkuntza bat ikastea. Eskola gehienetan umeak txiki-txikitatik ingelera ikasten hasten badira ere, oso zaila egiten zaie hau ulertzea eta menperatzea.

Hori dela eta, hainbat adituk umeei ingelera irakasterako orduan abestiak, ipuinak, bideoak... erabiltzea gomendatzen dute. Alde batetik baliabide hauek umeen arreta pizten dute eta, beraz ikasteko gogo handiagoa izango dute. Bestetik, erritmoek edota irudiek umeen ikaskuntza errazten dute.

Hau guztia dela eta, lehen hezkuntzarako ingelez liburuei gainbegirada bat botatzen badiegu, ohartuko gara unitate guztietan (edo ia guztietan) unitate horretan landutakoarekin lotura estua duen abesti bat dagoela. Neure esperientziak esaten didanez, umeek asko gozatzen dute abesteko ordua eta, gainera, asko ikasten dute abesti hauekin; burutik erraz joaten ez zaielako. Beraz, umeei ,batik bat, ingelerazko hitzak irakasterako orduan horrekin lotutako abesti errazak eta politak aurkituko ditugu testuliburuetan.

Alabaina, testuliburuetan agertzen direnak baino askoz abesti gehiago aurki ditzakegu umentzat oso aprposak direnak. Kontuan hartuta abesti hauek interneten aurki ditzakegula eta, gaur egun, ikasgela gehienetan ordenagailu bat, internet eta arbela digital bat dagoela; eskainitako baliabideak erabili behar direla iruditzen zait.

Adibideren bat jartzearren, eskoletan gorputz atalak ikasteko askotan erabiltzen den abestia aipatuko dugu. "Head, Shoulders, knees & Toes" izenekoa: 

" Head, shoulders, knees and toes,Knees and toes.

Head, shoulders, knees and toes,

Knees and toes.

And eyes, and ears, and mouth,

And nose.

Head, shoulders, knees and toes,

Knees and toes. "

Abesti honen erritmo, letra erraza melodiaren errepikapena dela eta, umeek erraztasuna izaten dute abesti hau buruz ikasteko. Gainera, abesti hau dantza batekin ikas daiteke. Hau da, gorputz atal bakoitza izendatzean, umeek gorputz atal hori ikutu behar dute. Beraz, kasu honetan ere musikak eta dantzak ematen diote erraztasuna  umeentzat, berez, zaila den zerbait (kasu honetan ingelesezko hitzak) buruz ikasteko.

Abesti famatu hau ez ezik badadude adina, maila eta gai ezberdinetako askoz abesti gehiago lehen hezkuntzan erabiltzeko oso erabilgarriak direnak.  

Txikienentzako pentsatuta dagoen liburu honetan, adibidez sekulako garrantzia ematen diote soinuari eta irudiari; hau da, metodo tradizional alde batera utziz musika eta irudia jotzen dute ingelesa ikasteko metodo eraginokortzat. Hori dela eta, lehen hezkuntzan erabiltzeko liburu oso egokia izan daiteke ingelera musikaren bidez ikasteko.

 


Hala ere, ez da zertan libururik erosi ingelera musikaren bidez ikasteko, interneten bertan maila eta gai ezberdinetarako baliagarriak izan daitezkeen baliabide ugari aurkitu daitezke, hauen artean: 

-Abestiak eta bideoak eskaintzen dituen web horri hau oso interesgarria izan daiteke arbela digitalarekin lantzeko.

-Nagusienekin (3 zikloa), abesti famatuen letrak aztertu ditzakegu; abesti hauek gogoko dituztelako eta oso baliagarriak direlako hitz berriak ikasteko. Metodologia hau erabiltzeko web horri honetan hainbat abesti aurki ditzakegu. 

Beraz, ikusi bezala, hainbat eta hainbat metodo eta baliabide ezberdin erabili ditzakegu lehen hezkuntza ingelera musikaren bidez lantzeko, eta sarean gehiago bilatuz gero, hainbat gauza gehiago aurkitu daitezke.


Informazioa hemendik:
https://www.youtube.com/?hl=es&gl=ES4
http://www.qualitycourses.es/blog/aprender-ingles-con-canciones-top-10/
https://www.youtube.com/playlist?list=PLD4EF26A13CCFB656